24 окт 11:18
Янгиликлар

Футбол

ФИФА "Бунёдкор"нинг эътирозини рад этди

Тошкентнинг "Бунёдкор" клуби Достонбек Ҳамдамовнинг "Анжи"га трансфери борасида ФИФАга ариза ёзган эди.

Аммо ташкилот бу эътирозни рад этди. Бу ҳақда SILA юридик агентлиги хабар берди.

"Анжи" "Бунёдкор"га Ҳамдамовнинг шартномасида товон пули сифатида ёзилган 300 минг еврони тўлаган. "Бунёдкор" раҳбарияти эса "Анжи" кўпроқ пул тўлаши керак деб ҳисоблаб ФИФАга мурожаат қилганди. Аммо якунда ариза рад қилинган", - деб ёзади Алишер Никимбаев ўз телеграм каналида.

Эслатиб ўтамиз, Ҳамдамов 2018 йил бошида "Бунёдкор"дан "Анжи"га кўчиб ўтган эди. Бир йил давомида ушбу клуб сафида 11та ўйинда майдонга тушди. Шу йил бошида у "Пахтакор" билан шартнома тузди.