Фигередо Моренога қарши тўртинчи жангдан сўнг бошқа вазнга ўтмоқчи

Ўта енгил вазн тоифаси (-57 кг)да UFC чемпиони, бразилиялик Дейвисон Фигередо (21-2-1) мазкур вазннинг вақтинчалик чемпиони, мексикалик Брэндон Морено (20-6-2)га қарши тўртинчи жангидан сўнг бошқа вазнга ўтиш ниятида эканини айтди.

Фигередо - Морено жанги 21 январь куни Рио-де-Жанейро (Бразилия)да ташкил этиладиган UFC 283 турнири доирасида бўлиб ўтади.

"Морено билан жангни ўз вазнимда (ўта енгил) ўтказмоқчиман, аммо энг енгил вазнга ўтиш ниятим бор. Мен тез орада 35 ёшга тўламан ва вазн йўқотиш туфайли танамга босим туширишни хоҳламайман", - деди Фигередо UFC билан бўлган интервьюсида.

Маълумот учун, Фигередо ва Морено ўртасидаги илк жанг дуранг билан якунланган. Иккинчи жангда эса Брэндон Морено ғалаба қозонган. Трилогия Фигередонинг ғалабаси билан якунланган. Ушбу жангда Фигередо энг енгил вазн чемпионлик камарини ҳам қайтариб олган эди.