Филиппин ХОҚга Пакьяонинг Олимпия ўйинларида иштирок этиши мумкинлиги ҳақида расмий сўров юборди

Қўмита раҳбари Абрахам Толентинонинг сўзларига кўра, улар филиппинлик бокс афсонасига ХОҚнинг "Универсаллик" қоидасига асосан, эркаклар учун бешта йўлланмани сақлаб қолган ҳолда Олимпия йўлланмасини беришни сўрамоқда.

"Жавоб апрел ойида келиши мумкин. Бу узоқ жараён. У директорлар кенгаши томонидан кўриб чиқилади", - дейди Толентино.

Филиппин бокс уюшмаси ассоциацияси раҳбари Маркус Манало сўров рад этилиши мумкинлигини таъкидлади, чунки ХОҚ иштирокчиларнинг ёши (40 ёшдан катта бўлмаган) бўйича маълум қоидаларга эга. Шунингдек, қоидаларга ўзгартиришлар ўйинлардан бир йил олдин эмас, балки Олимпия циклининг бошида киритилади.

"Ушбу қоида оғир аҳволда бўлган ёки одатда саралаш турнир тизими орқали йўлланмани қўлга киритиш имконига эга бўлмаган мамлакатлар учун мўлжалланганлиги аниқ айтилган. Аммо, ким Пакьяонинг олимпия терма жамоасида бўлишини истамайди? У ҳақиқий афсонадир, лекин амалдаги қоидалар мавжуд" - деди Маркус Манало.