Мэйвезер ва Тайсон ўртасидаги кўргазмали жанг қолдирилди

Сентябрь ойида Мэнни Пакьяо билан бўладиган реванш баҳсидан ташқари, унинг Майк Тайсонга қарши кўргазмали жанги ҳам кузга қолдирилди. CSI Sports/FIGHT SPORTS компанияси пресс-релиз эълон қилиб, 30 майга режалаштирилган Мэйвезер ва Тайсон жанги энди кузга қолдирилганини ҳамда унинг санаси ва жойи тез орада эълон қилинишини маълум қилди.

Жаҳон суперюлдузлари Майк Тайсон ва Флойд Мэйвезер бу йил баҳорда кўргазмали жанг учун шартнома имзоладилар. Тайсон машғулотларда олган қўл синишидан тўлиқ тузалиб кетгунча бироз кутишга тўғри келади. Гипсда бўлган Тайсон тикланмоқда ва у 2026 йилнинг кузига қолдирилган жангини интиқлик билан кутмоқда. Трансляция санаси, жойи ва тафсилотлари тез орада эълон қилинади", - дейилади пресс-релизда.

"CSI Sports/FIGHT SPORTS’нинг Тайсон ва Мэйвезер билан тузган эксклюзив шартномалари компанияни йирик глобал спорт тадбирларининг олдинги сафларига олиб чиқади ҳамда бутун дунё бўйлаб мухлисларга йирик шоулар ва тарихий ўйинларни тақдим этиш истагини мустаҳкамлайди".

27 июнь куни Мэйвезер Афинада грек кикбоксчиси Майк Замбидисга қарши кўргазмали жанг ўтказади. Яқинда Мэйвезер ва Пакьяо сентябрь ойида Лас-Вегасда ўтказилиши режалаштирилган реванш баҳсини ўтказиш бўйича олдинги келишмовчиликларни ҳал қилган кўринади. Бироқ Тайсон билан жангнинг кузга қолдирилиши филиппинлик билан жангга таъсир қилиши мумкин.