Флойд Мейвезер айни пайтдаги энг яхши P4P жангчиси кимлигини айтди. У Усик ёки Бивол эмас!

Фаолиятини мағлубиятсиз якунлаган америкалик 47 ёшли Флойднинг танлови яримоғир вазнда мутлақ жаҳон чемпиони Дмитрий Бивол ёки супероғир вазн тоифасида асосий камарларнинг учтасини ўз қўлида ушлаб турган Александ Усик эмас. 

"Менимча, Теренс Кроуфорд айни пайтда вазн тоифасидан қатъи назар дунёнинг энг яхши боксчиси бўлиб турибди. У ўз фаолиятининг энг чўққисида. Унинг ажойиб оиласи бор. Айримлар менинг танловимга қўшилмас, лекин бу менинг шахсий фикрим", — дея Мейвезернинг сўзларини келтиради Give me Sport.

Эслатиб ўтамиз, 37 ёшли Кроуфорд профессионал боксдаги дебютини 2008 йилда нишонлаган. Ҳисобида 41 та ғалаба бор. Сўнгги жангини ўтган йили ҳамюртимиз Исроил Мадримовга қарши ўтказиб, очколар ҳисобига кўра ғалаба қозонганди. Ҳозирда у яримўрта вазнда WBC, WBA Super ҳамда The Ring камарлари соҳиби бўлиб турибди.