21 май 09:33
Янгиликлар

Бокс/ММА

Флойд Мейвезер - Дон Мур жангининг санаси яна ўзгарди

Бешта вазн тоифасида собиқ жаҳон чемпиони, афсонавий Флойд Мейвезер ҳамда унинг ҳамюрти Дон Мур ўртасидаги жангнинг санаси учинчи маротаба ўзгартирилди.

Ушбу кўргазмали характерга эга жанг аслида 14 май куни Дубай шаҳрида ўтказилиши керак эди. Аммо, БАА президенти Шайх Халифа бин Зайднинг вафоти сабаб жанг кечроқ муддатга қолдирилган ва айнан бугун ўтказилиши белгиланганди.

Афсуски, ташкилотчилар Мейвезер - Мур жангини 21 октябрга қолдиришга қарор қилишди. Бунга БААнинг мотам ҳолатида экани сабаб сифатида кўрсатилган.

Маълумот учун, Флойд Мейвезер ушбу жангдан кафолатланган 10 миллион доллар гонорар олади. Шунингдек, пуллик трансляциялар сотувидан тушадиган 50% улуш ҳам Флойдга тақдим этилади.