19 дек 12:07
Янгиликлар

Бокс/ММА

Флойд Мейвезер дунёнинг энг кучли боксчиси ким эканлигини айтди

Афсонавий америкалик енгилмас боксчи Флойд Мейвезер вазн тоифасидан қатъий назар дунёнинг бугунги кундаги энг кучли чарм қўлқоп устаси ким эканлигини маълум қилди.

Фаолияти давомида роппа-роса 50та жанг ўтказиб, уларнинг барчасида ғалаба қозонган Мейвезернинг талқинига кўра, бугунги куннинг энг кучли боксчиси бу - Теренс Кроуфорддир.

"Теренс менинг промоутерлик компаниям аъзоси эмасман. Лекин мен унинг бугунги кундаги вазн тоифасидан қатъий назар дунёнинг энг кучли боксчиси деб биламан. Агар у истаса, мен билан шартнома имзоласин. Ўз ўрнида мен уни янги босқичга олиб чиқаман", - деди Мейвезер.

Маълумот учун, Теренс Кроуфорд ҳамюртимиз Фазлиддин Ғоибназаров билан бирга Боб Арумга тегишли Top Rank промоутерлик компанияси мижози ҳисобланади.