Флойд Мэйвезер: “Насукава билан жанг ўтказилади, фақат оёқда зарбалар бўлмайди”

Аввалроқ ушбу жангнинг қоидалари сабаб ўтказилмаслиги айтилганди. Ўшанда Флойд матбуот анжуманида иштирок этиб, турнир ташкилотчиларини нопрофессионалликда айблаганди. 

Илк келишувда жангнинг тор аудитория учун кўргазмали жанг сифатида ўтказилиши назарда тутилганди. Лекин япониялик ташкилотчилар жангнинг хатто трансляция қилинишини ҳам кенг оммага ошкор этишган, ўз ўрнида бу ҳолат Мейвезерга ёқмаганди. 

“Жанг ўтказилади. Фақат қоидалар мен айтгандек бўлади. Тўққиз дақиқадан иборат жангда оёқ зарбаларига рухсат берилмайди. Кейин ушбу баҳс расмий мақомга эга бўлмайди. Кўпчилик Флойд пул учун жанг ўтказяпти, деган фикрларни билдиряпти. Хўш, бунинг нимаси ёмон? Мен 60-70 ёшда эмасманки, нафақага чиқиб олсам”, - деди Мэйвезер.

Эслатиб ўтамиз, ўтган ҳафта Япониянинг ММА-промоушени расман Флойд Мейвезернинг япониялик кикбоксчи Насукавага қарши жанги 31 декабрь куни Саитама шаҳрида ўтказилишини эълон қилганди. Бу хабардан бир неча кун ўтиб, Флойд ушбу маълумотни тасдиқламаган эди.