Флойд Мейвезер: "Промоутер бўлиб ишлашда давом этаман"

Бешта вазн тоифасида собиқ жаҳон чемпиони промоутерлик фаолиятидаги иши ҳали ўз мевасини беришига ишонади.

“Тўғри, Микки Бей мағлубиятга учради, лекин тезда қайтиб, чемпионлик камарини қўлга киритди. Баду Жек ҳам ўзини яхши хис қилмаётган эди. Унга ҳам ўзига бўлган ишончни қайтара олдим. Ише Смит ва Рональд Гаврил ҳақида ҳам ижобий фикр билдира оламан”, – деди Мейвезер.

Эслатиб ўтамиз, ҳамюртларимиздан Санжар Раҳмонов айнан Мейвезерга тегишли промоутерлик компанияси мижози ҳисобланади. ММА жангчиси Маҳмуд Муродов ҳам яқинда Мейвезер билан шартнома имзолаган эди.