01 июл 11:34
Янгиликлар

Теннис

Фомин Вроцлав турнири бош совринини кўзлаяпти

Польшанинг Вроцлав шаҳрида теннис бўйича "Фьючерс" туркумига кирувчи турнир давом этмоқда.

Ушбу мусобақада ҳамюртимиз Сергей Фомин ҳам муваффақиятли одимлаяпти. Мамлакатимизнинг иккинчи ракеткаси бугун финал чиптаси учун чехиялик Иржи Барнатга қарши кортга чиқади.

Кеча Фомин 1/4 финалда ATP рейтингида 1428-поғонада бораётган ирландиялик Майкл Агвини 6/3, 6/3 ҳисобларида мағлубиятга учратди. Сергей турнирнинг иккинчи ракеткаси сифатида сараланган. У дунёнинг 553-ракеткаси бўлиб турибди. Бугунги рақиби Барнат эса 605-поғонадан жой олган.