25 мар 15:49
Янгиликлар
Теннис
Фомин Хитой турнирини ғалаба билан бошлади
Хитойнинг Мааншан шаҳрида теннис бўйича эркаклар ўртасида ITF туркумидаги M15 Maanshan 4 турнири старт олди.
Мусобақанинг илк босқичида Ўзбекистоннинг биринчи ракеткаси Сергей Фомин мезбон юрт вакили Ксиаофей Вангга қарши кортга чиқди. Ўйинда Сергей 2:0 (6/1, 6/1) ҳисобида зафар қучиб, нимчорак финалга йўл олди.
Яна бир ҳамюртимиз — Максим Шин эса франциялик Луис Ларуега имкониятни бой берди.
Энди Фомин чорак финал йўлида бошқа бир хитойлик теннисчи — Сун Қиан билан тўқнаш келади.
Таққослаш учун, 25 яшар Сергей Фомин ҳозирда ATP рейтингида 334, 24 ёшли Сун Қиан эса 949-ўринни эгаллаб турибди.
Ҳавола :
Манба : olamsport.com
Фикрлар