ФОТО. Дзюдочиларимиз Исроил Гран-присига йўл олишди (тўлиқ таркиб)

24-26 январь кунлари ўтказиладиган турнирда 18 нафар спортчидан иборат Ўзбекистон терма жамоаси юртимиз шарафини ҳимоя қилади. Мусобақанинг соврин жамғармаси 100 000 АҚШ долларидан иборат бўлиб, Токио-2020 Олимпиадаси учун муҳим рейтинг очколарини тақдим этиши билан аҳамиятлидир. Чемпион спортчи 700 рейтинг очкосини қўлга киритади.

Ўзбекистон Республикасида хизмат кўрсатган спортчи Фарҳод Тўраев бошчилигидаги жамоамиз таркибидан Ғиёсжон Бобоев, Шаҳрам Аҳадов, Шарофиддин Болтабоев, Шерали Жўраев, Давлат Бобонов, Бекмурод Олтибоев сингари етакчи полвонларимиз жой олишган. 

Исроил Гран-присида қизларимиз ҳам ўз имкониятларини синовдан ўтказишади. Ўз вазн тоифаларида Гулноза Матниязова, Диёра Келдиёрова, Гулноза Зияева, Нодира Йўлдошева ва Амина Мамедова Тель-Авив татамиларида медаллар учун кураш олиб боришади. 

Шунингдек, ушбу нуфузли мусобақада халқаро тоифадаги икки нафар реферимиз Вячеслав Перетейко ва Рамзиддин Саидов ҳакамлик қилади. 

Терма жамоа таркиби: 

-60 кг: Раҳмон Жумаев, Кемран Нуруллаев

-66 кг: Шаҳрам Аҳадов, Сардор Нуриллаев

-73 кг: Ғиёсжон Бобоев, Улуғбек Отамуродов

-81 кг: Шарофиддин Болтабоев, Мусо Собиров

-90 кг: Давлат Бобонов 

-100 кг: Муҳаммадкарим Ҳуррамов, Шерали Жўраев

+100 кг: Алишер Юсупов, Бекмурод Олтибоев

Қизлар:

-52 кг: Гулноза Зияева, Диёра Келдиёрова

-57 кг: Амина Мамедова

-70 кг: Гулноза Матниязова

+78 кг: Нодира Йўлдошева

Мураббийлар: Фарҳод Тўраев, Камол Муродов, Рафгат Измайлов

Ҳакамлар: Вячеслав Перетейко, Рамзиддин Саидов