11 авг 01:46
Янгиликлар

Бокс/ММА, Токио-2020

ФОТО. Ҳасанбой Дўсматовнинг ғалабали онлари

Хабар берганимиздек, Рио-де-Жанейро шаҳрида ўтказилаётган 31-Ёзги олимпия ўйинларининг бокс баҳсларида чарм қўлқоп усталаримиз ғалабали юришларини давом эттирмоқда.

Бундан бир неча дақиқа аввал яна бир ҳамюртимиз – 49 кг вазн тоифасидаги Ҳасанбой Дўсматов ҳам ғалабага эришиб, камида бронза медалини нақд қилди.

У асосий ва азалий рақибларидан бири, қозоғистонлик Биржан Жакиповни мағлубиятга учратди. Ҳакамлар бир овоздан 3:0 (30:27, 30:27, 30:27) ҳисобида Ҳасанбойнинг ғалабасини таъминлашди.

Шу тариқа, бугунги оқшомда рингга чиқиши режалаштирилган иккинчи боксчимиз ҳам ғалабага эришиб, ярим финал йўлланмасини қўлга киритди. Рустам Тўлаганов ва Ҳасанбой Дўсматов камида бронза медалини расмийлаштириб қўйишди.