ФОТО. Ўзбекистон спорт делегацияси Риога чартер рейс билан жўнаб кетди

Маълумотларга кўра, терма жамоамиз жойлашган самолёт Италиянинг Рим шаҳри орқали Бразилиянинг Рио-де-Жанейро шаҳрига етиб боради. Делегация расмий вакиллари сафидан Ўзбекистон Маданият ва спорт ишларининг биринчи ўринбосари Мурод Алиев, Миллий олимпипия қўмитаси бош котиби Ойбек Қосимов, МОҚ вице-президенти Фарҳод Турдиев, Республика олимпия захиралари коллежи директори Жасур Акрамов ва бошқалар жой олишган.

Эслатиб ўтамиз, Ўзбекистон спорт делегацияси сафидан 70 нафар спортчимиз ўрин олган бўлиб, улар тўрт йилликнинг энг нуфузли мусобақасида 13та спорт турида юртимиз шарафини ҳимоя қилишади.

5 август куни афсонавий “Маракана” стадионида бўлиб ўтадиган Ёзги олимпия ўйинларининг тантанали очилиш маросимида Ўзбекистон байроғини бокс бўйича терма жамоамиз аъзоси, жаҳон чемпионати совриндори Баҳодир Жалолов олиб ўтади.