ФОТО. Полвонларимиз Шварценеггер турнирида иштирок этишди

АҚШнинг энг йирик спорт фестивалларидан бири бўлмиш “Arnold Sports Festival” шахсан Арнольд Шварценеггер томонидан бевосита ўтказилади ва дунё атлетлари орасида катта обрўга эга.

Хабар берганимиздек, ҳамюртларимиздан бири Олеся Гуреева мас-рестлинг баҳсларида жаҳон чемпиони бўлди. Сергей Трубицин, Хамза Примов ва Шуҳрат Алихонов куч экстрими бўйича Ватанимиз шарафини ҳимоя қилдилар.

Трубицин ва Примов “Arnold Strongman” мусобақаларининг ярим финалига чиқишга сазовор бўлдилар. Ўтган йилги фестивалда улар мазкур спорт тури бўйича дунёнинг энг кучли атлетлари орасида 34 ва 37-ўринларни банд этишганди.