ФОТО. Тошкентда “Токио-2020”га очко берувчи турнир бошланди

13 августга қадар давом этадиган таэквондо WTF бўйича Бутунжаҳон таэквондо федерацияси Президенти кубоги — G2 туркумига кирувчи Осиё минтақаси баҳсида 30 дан ортиқ давлатдан 500 нафардан зиёд таэквондо усталари даянга чиқишяпти.

Мусобақанинг илк куни терма жамоамиз аъзолари шода-шода медалларни қўлга киритишди. -59 кг вазн тоифасидаги ҳамюртимиз Иброҳим Ахмадов барча рақибларини мағлубиятга учратиб, олтин медалги қўлга киритди.

-78 кг вазндаги спортчимиз Абдулазиз Маҳмудов ҳам шохсупанинг энг юқори поғонасига кўтарилди. Ёшлар ўртасидаги -42 кг вазн тоифасидаги баҳсларда даянга чиққан Интизор Абдуалимова кумуш медалга сазовор бўлди.

+78 кг вазнда юртимиз шарафини ҳимоя қилган Диёр Мўйдинов терма жамоамизга бронза медалини тақдим этди. Ушбу турнир Токио-2020 Олимпия ўйинлари учун лицензион очколарни тақдим этиши билан аҳамиятлидир.