20 окт 09:45
Янгиликлар

Бокс/ММА

Фозилов Ереванда россиялик рақибини техник нокаутга учратди

Теглар : Баҳромжон Фозилов Мирзакамол Неъматов

Кеча оқшом Арманистоннинг Ереван шаҳридаги "Prime Hall" аренада профессионал бокс кечаси бўлиб ўтди.

Унинг доирасида икки ҳамюртимиз Мирзакамол Неъматов ва Баҳромжон Фозилов (10(9)-1-3) ҳам ўз жангларини ўтказишди. Фозилов россиялик Дмитрий Михайленкони учинчи раундда техник нокаут эвазига мағлубиятга учрата олди.

Аслида боксчимиз кеча Жанубий Африка Республикаси вакили Нкулулеко Мҳлонгога қарши рингга чиқиши керак эди. Аммо рақиб келмагани боис, Баҳромжон россиялик боксчи билан жанг қилди.

Афсуски, ғалаба ва мағлубият ҳамиша ёнма-ён юради. Суперярим ўрта вазн тоифасидаги вакилимиз Мирзакамол Неъматов кеча россиялик Асланбек Козаевга имкониятни бой бериб қўйди.