25 май 10:32
Янгиликлар

Теннис

French Open. Тамара Нигинадан кейин Анастасияни ҳам мағлуб этди

Франция пойтахти Париж шаҳрида "Катта Дубулға" туркумига кирувчи "Ролан Гаррос" турнирининг саралаш баҳслари давом этмоқда.

Саралашнинг биринчи даврасида ҳамюртимиз Нигина Абдураимовани уч сет натижасига кўра мағлуб этган словениялик Тамара Зиданшек яна ғалаба қозонди. Дунёнинг 179-ракеткаси бўлиб турган Тамара WTA рейтингида 110-ўринни эгаллаб турган россиялик Анастасия Захаровадан устун келди - 3/6, 6/2, 6/2.

Теннисчиларнинг ўзаро учрашувларидаги ҳисоб 2:0 кўринишига келди. Бир дақиқаси кам икки соат давом этган баҳсда Зиданшек 1 та эйс, 2 та қўшхато ва 10 та брейк қайд этди.