Дунёнинг 330-ракеткаси бўлган Бушар 1/4 финалга чиқди

Дунёнинг 330-ракеткаси бўлиб турган Эжени Бушар бирин-кетин кучли теннисчиларни мағлуб этмоқда. Бу сафар канадалик теннис маликаси рейтингнинг 72-поғонасидан жой олган словениялик Тамара Зиданшекдан устун келди - 7/6(2), 6/7(2), 6/2.

Учрашув 2 соату 52 дақиқа давом этган. 26 ёшли Эжени 6 та эйс зарбани амалга оширган. 22 яшар Зиданшекда бу кўрсаткич 3 тани ташкил этди. Ўзаро учрашувлардаги ҳисоб тенглашди - 1:1. Энди Бушар Prague Open турнирининг чорак финалида бельгиялик Элизе Мертенсга қарши кортга чиқади.