Фрэнк Уоррен Жошуа ва Усик ўртасидаги реванш жангида ким ғалаба қозонишини тахмин қилди

Британиялик менежер реванш жангида украиналик боксчи муддатидан олдин ғалаба қозониши кераклигини таъкидлади.

"Биринчи жангда Усик Жошуани осон мағлуб қилгани мени ажаблантирди. Александр мураббийлари айтганидек бокс намойиш этди ва Жошуани нокаут қилишга ҳаракат ҳам қилмади. Аммо, жанг давомида бир неча вазиятлар бўлди. Жумладан, охирги раундда Усик уни нокаутга учратиши мумкин эди.

Менимча, Усик бу сафар ҳам Жошуани тўхтатади. Бу тўқнашув Энди Руис билан бўлган реванш жангидан буткул фарқ қилади. Александр мукаммал боксчи, у бу курашга жиддий тайёргарлик кўрмоқда.

Шунинг учун, Жошуани муаммолар кутиб турибди", - деди Уоррен.

Эслатиб ўтамиз, Усик ва Жошуа ўртасидаги реванш жанги 20 август куни Саудия Арабистонининг Жидда шаҳридаги "Super Dome" аренасида бўлиб ўтади.