Фьюри агар Жошуага қарши жанг ўтказилмаса, яна кетиш билан таҳдид қилди

Бу ҳақда у Арсланбек Маҳмудов устидан ҳакамларнинг якдил қарори билан қозонилган ғалабали жангидан сўнг ўтказилган матбуот анжуманида маълум қилди. Тайсон Арсланбекка қарши жангда бешинчи марта рингга қайтди.

"Келинг, бу жангни амалга оширамиз. Ҳамма гап шунда. Агар Энтони Жошуа билан жанг бўлмаса, бокс мени бошқа қизиқтирмайди", - деди Фьюри. — Мен мингта пасха тухумини еб, 200 кг гача семираман. Ҳа, мен бу сафар боксдан бутунлайга кетаман. Ё у билан жанг қиламан ёки яна фаолиятимни якунлайман.

"Нима учун мен мактаб ўқувчилари билан жанг қилишим керак? - дея қўшимча қилди Фьюри бошқа потенциал рақиблар ҳақида гапириб. - Мени Даниэль Дюбуа ёки Мозес Итаума билан жанг қизиқтирмайди. Мен билан жангда ниманидир исботламоқчи бўлган ёш боксчилар билан жанг қилиш менга керак эмас. Менга барибир. Рейтинг ва камарларга тупурдим. Мени фақат Жошуа қизиқтиради. Бу Британия бокси учун ҳал қилувчи жанг.

Фьюрининг промоутери Фрэнк Уорреннинг айтишича, собиқ чемпион Турки Ал аш-Шайх таклифига жавобан аллақачон Жошуа билан жанг қилишга розилик берган, унинг менежери Спенсер Браун эса бу жанг "бу йил 100 фоиз ўтишига" ишонч билдирди.

Тайсон Фьюри ва Арсланбек Маҳмудов ўртасидаги жангни трансляция қилган Netflix стриминг хизмати Жошуа билан жанг кузга мўлжалланганини, эҳтимолий ареналар сифатида Лондондаги 90 минг кишилик "Уэмбли" ҳамда Дублиндаги 82 минг кишилик "Крок Парк" стадионлари тилга олинганини маълум қилди.