10 июн 17:28
Янгиликлар
Бокс/ММА
Фьюри фаолиятини якунлаши мумкин
Мағлубият нималигини билмай келаётган собиқ жаҳон чемпиони Тайсон Фьюри германиялик Том Шварц билан бўладиган жанг ҳақида фикр билдирди.
«Ҳозирги даврнинг энг зўр боксчиси менман. Агар Шварцни мағлуб этолмасам, мен боксдан кетаман. Ғалаба қозонмасам нима қиламан яна рингга кўтарилиб? Бундан мантиқ кўрмаяпман. Кўпчилик мени энг кучли боксчи деб ўйлайди. Мен Германияга бориб Кличкони таслим қилдим, АҚШга бориб Уайлдерни яксон қилдим. Мен уларни ўз уйида урдим. Мени супероғир вазн тоифасида биринчи ўринга кўтариб қўйишибди ва бу тўғри қарор деб ўйламан. Мен биринчи, Уайлдер иккинчи, Руис учинчи, Жошуа тўртинчи, барчаси адолатдан», - деди Тайсон.
Эслатиб ўтамиз, Фьюри-Шварц жанги 15 июнда Лас-Вегасда ташкил қилинади.
Ҳавола :
Манба : BoxingScene
Фикрлар