Фьюри: «Жошуа агар Усикни мағлуб этолмаса, фаолиятини тугатиши керак бўлади»

Оғир вазн тоифасида WBC йўналиши чемпиони Тайсон Фьюри WBА, IBF, WBО ва IBО йўналишлари чемпиони Александр Усик ва британиялик Энтони Жошуа ўртасидаги реванш ҳақидаги фикрлари билан ўртоқлашди. Таниқли британияликнинг айтишича, агар ватандоши иккинчи жангида ғалаба қозона олмаса, у ҳолда боксдаги фаолиятини тугатиши керак бўлади.

«Жошуа ҳақли равишда Усикка ютқазди. У кучлироқ рақибига ютқазди. Бир эшик ёпилса, бошқаси очилади. Ҳар доим калтакланадиган одам бор. Ишонаманки, агар Жошуа Усикни реванш жангида мағлуб этмаса, фаолиятини тугатиши керак бўлади. Бу нафақа, якун», - деди Фьюри Boxing Socialга берган интервьюсида.

Аввалроқ, промоутер Боб Арум АJни Усик билан реванш жангидан воз кечишга чақирган эди.