Фьюри: "Жошуа Усик билан яна жанг қилса, бу унинг фаолиятидаги тобутини беркитиш учун сўнгги мих бўлади"

"Одамлар бошқа давлатдан келган, инглиз тилини билмайдиган, украиналик Усик мен билан жанг қилишини хоҳлаяптими ёки Леннокс Льюис ва Френк Бруно жангидан кейинги тарихдаги энг йирик Британия жангини кўрмоқчими?

Фьюри-Жошуа қарама-қаршилиги мухлислар учун энг зўри бўлар эди, менимча. Жошуа бундай ҳолатда Усик билан жанг қилади деб ўйламайман. Ўйлайманки, у ҳозирги позициясидан воз кечади ёки яна Усик билан жанг қилиб, мағлуб бўлади ва фаолиятини якунлайди. У узоқ йўлни босиб ўтди, аммо, ҳозир у анча қуйида ва шу кунларда у шунчаки, бировнинг куйига рақс тушмоқда.

Одамларнинг меҳрини, куч-қудратингни, камарингни йўқотганингда шундай бўлади. Менимча, ҳозир у заиф. Агар у Усик билан яна жанг қилса, бу унинг фаолиятидаги тобутини беркитиш учун сўнгги мих бўлади", — Фьюрининг сўзларини келтиради BoxingNews24.