Фьюри Россияга қарши курашда Усик ва ака-ука Кличколарга қўшилишга ваъда берди

Тайсон Фьюри украиналик боксчилар Виталий ва Владимир Кличко, шунингдек, мамлакатни Россия агрессиясидан ҳимоя қилишда ёрдам берган Александр Усикка ҳурматини билдирди.

Фьюрининг таъкидлашича, унинг ўзи ёрдам беришга тайёр: «Агар Англия ёки Қўшма Штатлар урушга кирса, мен биринчилардан бўламан. Мен олдинги қаторда бўламан. Отам ҳам, бутун жамоам ҳам. Биз ҳаммамиз ўзимизни бирга ҳимоя қиламиз. Ахир, шундай бўлиши керак. Агар улар сиз туғилган ва яшаётган мамлакатга ҳужум қилишган бўлса, уни ҳимоя қилинг. Аёлларингизни севинг ва ватанингиз учун курашинг. Ҳаммаси шунчаки оддий».