07 июн 12:38
Янгиликлар

Футбол

Гамшик "Трабзонспор" билан 2 йиллик шартнома имзолайди

Словакия терма жамоаси ярим ҳимоячиси Марек Гамшик фаолиятини Туркия Суперлигасида давом эттиради.

33 ёшли футболчи Швециянинг "Гётеборг" жамоасини тарк этди ва "Трабзонспор" клуби билан шартнома имзолайди. Турк клуб Марекка 2023 йилнинг ўрталарига қадар мўлжалланган шартнома таклиф қилди.

Ўйинчининг Туркиядаги маоши 1,5дан 2,5 миллион еврога қадар бўлади. Гамшик Швеция чемпионати доирасидаги 6 та ўйинда майдонга тушиб, 1 та гол уришга эришди.