03 сен 12:29
Янгиликлар

Гандбол

Гандбол. Аёллар терма жамоамиз Озарбайжондаги турнир вице-чемпиони бўлди + ФОТО

Боку шаҳрида гандбол бўйича аёллар ўртасида Озарбайжоннинг миллий етакчиси — Гейдар Алиев хотирасига бағишланган халқаро турнир якунланди.

Уч кун давом этган мусобақада Озарбайжон, Ўзбекистон ва Қозоғистоннинг жами олти жамоаси ғолиблик учун баҳс олиб борди. Учрашувлар Озарбайжон гандбол федерациясига тегишли "AHF Arena" спорт мажмуасида ташкил этилди.

Аҳамиятлиси, турнир финалида Ўзбекистон аёллар терма жамоаси ҳамда "Азерйўл" (Озарбайжон) клублари бош соврин учун паркетга чиқишди. Ўйин 32:29 ҳисобида мезбонлар фойдасига ҳал бўлди. Шу тариқа, гандбол бўйича Ўзбекистон аёллар терма жамоамиз халқаро мусобақа кумуш медалларига эга чиқди.