15 апр 13:26
Янгиликлар

Теннис

Гарин драматик финалда Хьюстон турнири чемпиони бўлди

АҚШнинг Хьюстон шаҳрида нуфузли ATP турнири якунланди.

U.S. Men's Clay Court Championship турнирининг финал учрашувида дунёнинг 73-ракеткаси чилилик Кристиан Гарин ҳамда рейтингнинг 95-поғонасидан жой олган норвегиялик Каспер Рууд тўқнаш келишди.

Бир дақиқаси кам икки ярим соат давом этган финал учрашувида Гарин рақибини 7/6(4), 4/6, 6/3 ҳисобида мағлуб этди. Хьюстондаги муваффақиятли иштирок Гаринга фаолиятидаги илк соврин, 100 600 АҚШ доллари миқдоридаги пул мукофоти ҳамда 250 рейтинг очкосини келтирди.