“Asean Track Series”. Россиядан маҳаллийлаштирилган велоспортчимиз 3 та олтин медаль қўлга киритди

Ўзбекистон терма жамоаси велоспортчилари нуфузли халқаро мусобақада 3 та олтин ва 1 та бронза медалини қўлга киритишди. Россиядан маҳаллийлаштирилган спортчимиз Сергей Ростовцев Ўзбекистон байроғи остидаги илк мусобақасидаёқ омниум, скретч ва элиминейшн баҳсларида 3 та олтин медалга эга чиқди. Нафосат Козиева эса элиминейшн баҳсида бронза медалига сазовор бўлди. 

Энди ҳамюртларимиз 10-11 январь кунлари айнан Нилай шаҳрининг ўзида ташкил этиладиган иккинчи босқич баҳсларида ҳам ўз омадларини синаб кўришади.