08 янв 18:07
Янгиликлар
Бокс/ММА
Мелиқўзиевнинг вазнидаги яна бир юлдуз боксчи Кроуфорддан қолган камар учун жанг қилишдан воз кечди
Мексикалик боксчи Хайме Мунгия (45-2, 35 КО) кубалик Ослейс Иглесиас (14-0, 13 КО) билан иккинчи ўрта вазнда вакант бўлиб турган IBF чемпионлик камари учун жанг қилишдан бош тортди.
The Ring нашри маълумотига кўра, Иглесиаснинг промоутери — Eye of The Tiger Management раҳбари Камил Эстефан IBF'дан таклиф хати келганидан сўнг бор-йўғи беш дақиқа ичида жангга розилик билдирган.
Аммо Мунгия билан ҳамкорлик қилувчи Zanfer Promotions компанияси бир неча соат ўтиб, жангдан расман воз кечган. Шу сабабли, IBF энди Ослейс Иглесиас учун рейтингдаги бошқа боксчилар орасидан янги рақиб излайди.
Аввалроқ, собиқ чемпион Сауль Альварес жароҳат сабабли Иглесиас билан жанг қилишни истамаганди.
Ҳавола :
Манба : The Ring
Фикрлар