25 апр 11:39
Янгиликлар

Бокс/ММА

Геннадий Головкин: “Альварес ҳақида ўйламай ҳам қўйдим”

Ўрта вазн тоифасида учта йўналиш бўйича жаҳон чемпиони Геннадий Головкин 5 май куни Ванес Мартиросянга қарши ўтказиладиган жанг олдидан ўз фикрлари билан ўртоқлашди.

Қозоғистон боксчи мексикалик Сауль “Канело” Альваресга қарши ўтказилиши мумкин бўлган такрорий жанг ҳақида хатто ўйламаётганини маълум қилди.

Маълумки, Альваресдан олинган допинг-таҳлил ижобий натижа берган ва унинг қон таркибида таъқиқланган кленбутерол моддаси борлиги аниқланганди. Бунинг натижасида Сауль 6 ойга катта боксдан четлатилган эди.

“Канело? Айни пайтда у мен учун қизиқ эмас. Сентябрь ойида унга қарши иккинчи жангни ўтказаманми? Очиғи, билмадим. Мен жангга тайёрман, лекин у бунга рози бўлармикан? Тўғрисини айтсам, мен ортиқ Альварес ҳақида ўйламай ҳам қўйдим”, — деди Головкин.