Генри Сехудо RAF байроғи остида яна курашга қайтмоқда

Real American Freestyle лигаси вакиллари 2008 йилги Олимпиада чемпиони 28 февраль куни Аризона штатининг Тампа шаҳрида бўлиб ўтадиган RAF 6 турнирида бош мураббий бўлишини расман эълон қилди. 2015 йилдан буён илк бор кураш гиламига қайтган 38 ёшли америкаликнинг рақиби кейинроқ маълум бўлади.

Генри Сехудо охирги марта 6 декабрь куни Лас-Вегасда бўлиб ўтган UFC 323 турнирида октагонга кўтарилган ва ҳакамларнинг қарорига кўра Пейтон Талботтга ютқазганди. Бу унинг кетма-кет тўртинчи мағлубияти эди. Ўша жангдан сўнг Генри расман "истеъфо"га чиққанини тасдиқлаганди.

Real American Freestyle - 2025 йил апрель ойида ишга туширилган профессионал кураш ташкилоти. Ўтган йили тўртта турнир ўтказилиб, асосий жангларга таниқли MMA жангчиларини жалб қилди. 

10 январь куни АҚШнинг Санрайз шаҳрида бешинчи турнир бўлиб ўтади. Бу RAF турнирининг асосий жанги Колби Ковингтон ва Люк Рокхолд ўртасида ўтказилади. Шунингдек, ушбу оқшом доирасида Бо Никал ва Йоэль Ромеро ўртасида бирлаштирувчи чемпионлик жанги ўтказилади. Арман Царукян икки карра PFL чемпиони Лэнс Палмерга қарши баҳс олиб боради.