26 июн 13:44
Янгиликлар

Бокс/ММА

Гэтжи ESPY томонидан "Йил жангчиси" мукофотига номзод сифатида қўйилди

Енгил вазн тоифасида UFC чемпиони Жастин Гэтжи "Йил жангчиси" номинациясида нуфузли ESPY спорт мукофотига номзод ягона аралаш яккакураш жангчиси бўлди.

Унга бокс юлдузлари Теренс Кроуфорд, Габриэла Фундора ва Кларесса Шилдс рақиблик қилади.

2019 йилдан бери ESPY мукофоти "Энг яхши ММА жангчиси" учун алоҳида номинация сифатида соврин топширади. Турли йилларда Даниэль Кормье, Хабиб Нурмагомедов ва Жон Жонс каби юлдузлар совриндор бўлишди. Бироқ, 2026 йилда ташкилотчилар ушбу тоифани "Йил боксчиси" номинацияси билан бирлаштириб, ягона мукофот - "Йил жангчиси"ни қолдиришди.

Жорий йилнинг январь ойида Жастин Гэтжи ҳакамларнинг якдил қарори билан Пэдди Пимблеттни мағлуб этиб, UFC тарихидаги биринчи икки карра вақтинчалик чемпион бўлди ҳамда енгил вазн тоифасида вақтинчалик чемпионлик унвонини қўлга киритди.

14 июнь куни Оқ уй яқинидаги турнирда америкалик Илия Топурияни тўртинчи раунддан кейин жангни давом эттиришдан воз кечишга мажбур қилиб, UFC`нинг тўлақонли чемпионига айланди.

ESPY мукофотларини топширишнинг расмий маросими 15 июль куни Нью-Йоркда бўлиб ўтади.