GFC 33. Фурқатбек Ёқубов беларуслик рақибини биринчи раунддаёқ нокаутга учратди (ВИДЕО)

Турнир асосий кардида ўзбекистонлик таниқли аралаш яккакураш устаси Фурқатбек Ёқубов ҳам октагонга чиқди. У аслида филиппинлик Женил Франсискога қарши баҳс олиб бориши керак эди, аммо Франсискода виза билан боғлиқ муаммолар пайдо бўлгани сабаб жанг бекор қилинганди.

Шундай бўлса-да, GFC Лигаси қисқа фурсатда Фурқатбек учун янги рақиб топиб берди. Ҳамюртимиз турнирда беларуслик Никита Рачков билан жанг қилди ва рақибини биринчи раунддаёқ нокаут орқали таслим этди.

Бу жанг Фурқатбек Ёқубов учун фаолиятидаги 19-жангга айланди. Энди юртдошимиз ҳисобида 15 та ғалаба ва 4 та мағлубият мавжуд. Никита Рачков эса кеча карьерасидаги 11-жангида 8-мағлубиятини қабул қилиб олди.