Ғолиблар Республика босқичида, аёл мураббийлар учун эса байрам тадбири

Вилоят жисмоний тарбия ва спорт бошқармаси, Ўзбекистон “Адолат” СДП вилоят бўлими билан ҳамкорликда ўтказилган мазкур мусобақада вилоятнинг барча шаҳар ва туманларидан 220 нафар ёш полвонлар ўн бир вазн тоифасида ғолиблик учун беллашишди. Мусобақа якунида кучли учликни эгаллаган полвонлар ташкилотчилар томонидан медаль, диплом ва эсдалик совғалари билан мукофотланишди. 

Эслатиб ўтамиз, ушбу мусобақада биринчи ва иккини ўринни эгаллаган спортчилар 14-18 март кунлари Навоий вилоятида бўлиб ўтадиган белбоғли кураш бўйича Ўзбекистон чемионатида иштирок этиш хуқуқини қўлга киритишди.

Шунингдек, 8 март – Халқаро хотин – қизлар куни байрами муносабати билан тадбир ҳам ташкил этилди. Жамиятимизда хотин-қизларни ўрни ва нуфузини ошириш, уларнинг аҳоли фаравонлигини юксалтириш борасида хусусан, тадбиркорлик, илм-фан, таълим-тарбия, соғлиқни сақлаш, жисмоний тарбия ва спорт ва бошқа соҳаларида самарали меҳнат қилишмоқда. Биргина Чирчоқчи тумандаги 1-БЎСМда ҳам ёш авлодни спортга ошно бўлишида, ўғил-қизларни спортдаги иқтидорини руёбга чиқариш ва мард, матонатли қилиб тарбялашда жонбозлик кўрсатаётган  мураббийлар, ишчи-ходимлардандан  иборат бир гуруҳ хотин-қизлар учун байрам тадбири ташкил этилди.  БЎСМ маъмурияти томонидан ташкил этилган байрам тадбирида  спорт мактабида меҳнат қилаётган барча аёлларга гуллар, эсдалик совғалари улашилиб, эҳтиром кўрсатилди. 

Илҳом РАҲМОНОВ