09 авг 16:30
Янгиликлар
Токио-2020
Голландиялик гимнаст маст ҳолда бўлгани учун Олимпиададан четлатилди
Спорт гимнастикаси бўйича Голландия терма жамоаси аъзоси Юрий ван Гелдер учун Олимпиада якунланди.
Спортчи саралаш баҳсларидан муваффақиятли ўтиб, финал босқичига йўлланма олганди. Лекин у маст ҳолда Олимпия қишлоғига қайтгани учун тўрт йилликнинг энг нуфузли мусобақасидан четлатилди.
“Бундай қарорга келиш осон бўлгани йўқ. Лекин қонун ҳаммага баробар. Қоида буздингми, тамом, жаоб беришинг керак. Ҳар бир атлет тартиб-интизомга риоя қилиши шарт”, – дейди Голландия Олимпия қўмитаси раҳбари Мауритса Хендрикс.
Маълумот учун, 33 ёшли гимнаст 2009 йили кокаин истеъмол қилгани сабаб икки йилга дисквалификация қилинган эди.
Ҳавола :
Фикрлар