"Иккала вариант ҳам аъло". Дана Уайт Топуриянинг навбатдаги рақиби ҳақидаги саволга жавоб берди

"Бизнинг йигитлар у билан доимий алоқада. Ҳозирча режаларимизда у йўқ, лекин қулоқ солинг, Топурия жанг қилишга тайёр. Биз ҳам унинг жангини қабул қилишга тайёрмиз. Жастин Гэтжи ёки Пэдди Пимблеттми? Иккала вариант ҳам менга ёқади. Уларнинг иккаласи ҳам ажойиб жангчилар. Бу жангларнинг қайси бири бўлмасин, биз ҳеч нарса йўқотмаймиз. Иккала жанг ҳам ажойиб бўларди, яна билмадим.

Ҳа, такрор айтаман, иккала вариант ҳам аъло, лекин ҳозирча ҳеч нарса аниқ эмас... Бу саволга нима деб жавоб беришни ҳам билмайман. Шубҳасиз, Гэтжи билан реванш ақлбовар қилмас даражада бўларди. Пэдди Пимблетт билан жанг эса — шунчаки даҳшатли. Айниқса, бу икки жангчи бир-бирини қанчалик ёмон кўришини ҳисобга олсак", — дея Уайтнинг сўзларини келтириб ўтади Yahoo Sports.

Эслатиб ўтамиз, Гэтжи ва Топурия ўртасидаги жанг июнь ойида UFC Freedom 250 турнирида бўлиб ўтган ва америкаликнинг техник нокаут (жангни давом эттиришдан бош тортиш) эвазига ғалабаси билан якунланган эди.