18 сен 16:31
Янгиликлар

Бокс/ММА

Головкин - Альварес жанги ҳакамларидан бири четлатилди

Қозоғистонлик Геннадий Головкин ҳамда мексикалик Сауль “Канело” Альварес ўртасидаги баҳсни бошқарган ҳакамлардан бири Аделаида Берд вақтинчалик муҳим жангларда ҳакамлик қилишдан четлатилди.

Бу ҳақда Невада штати Атлетик комиссияси раҳбари Боб Беннет хабар берди.

“Ҳозирча бу ҳакамни муҳим жангларга тайинламаймиз. У ўша оқшом ўзига билдирилган ишончни оқлай олмади. Аделаиданинг баҳоси жангга мос бўлмади”, – деди Беннет Los Angeles Times нашрига берган интервьюсида.

Берд жангда 118:110 ҳисобида Сауль Альвареснинг ғалабасини таъминлаган эди. Дейв Моретти 115-113 ҳисобидаги ғалабани Головкинга тақдим этди. Учинчи ҳакам Дон Трелла эса жанг 114-114 ҳисобида тугади, деб топди.