08 июл 15:37
Янгиликлар

Бокс/ММА

Головкин: "Бу адолатсизлик"

Геннадий Головкин Сауль Альвареснинг Дмитрий Биволга қарши бўлиб ўтган жангини эслади.

"Тўлиқ жангни эмас, фақатгина ёрқин вазиятларни кўрдим. Биволнинг ғалабасига гувоҳ бўлдим. Канело жанг натижасига муносабат билдирганида, ҳафсалам пир бўлди. Чунки, профессионал боксчи бўлсангиз, боксни тушунасиз.

У қандай муносабат билдирди? Бир ёки икки раундни ютиб, жангда ғалаба қозонишга ишониш мумкинми? Сизни шунчалик кўп одам кузатиб турганида, қандай қилиб буни айтишингиз мумкин? Бу адолатсизлик. Фурсатдан фойдаланиб, Дмитрий Биволни яна бир бор табрикламоқчиман", - дея Головкиннинг сўзларини келтиради Fansided нашри.

Эслатиб ўтамиз, Геннадий Головкин сўнгги бор 9 апрель куни Риото Муратага қарши жанг қилган эди.

Головкин — Канело жанги 17 сентябрь куни Лас-Вегас шаҳрида бўлиб ўтади.