Головкин Мурата билан жангдан сўнг нималар деди?

"Бу чиройли шоуни томоша қилишга келган барчага раҳмат айтмоқчиман. Бизни қўллаб-қувватлаган, бу чиройли мусобақани ташкиллаштирган барча-барчага. Сизлардан чин дилдан миннатдорман. Риото Мурата ва унинг жамоасига, кўрганингиздек, у ўзини кучли томонларини намойиш қилгани, ҳақиқий жангчилардек — оёқда туриб, охиригача урушгани учун раҳмат айтмоқчиман. Рақибим — олимпия ўйинлари чемпиони, WBA суперчемпиони, у ўзининг ҳақиқий жангчи эканлигини кўрсатди. Японияда бундай катта воқеа бўлганидан, биз, ўз мамлакатларимизнинг ёрқин вакиллари шундай катта шоу кўрсата олганимиздан хурсандман!", - деди Головкин.

Геннадий Головкин ушбу ғалаба орқали ўрта вазнда WBA Super ва IBF йўналишлари бўйича чемпионлик камарларини бирлаштирди.