Головкин XXI асрнинг энг яхши ўрта вазнлилар рейтингида "Канело"ни ортда қолдирди

Топ-10`таликни афсонавий америкалик чемпион Бернард Хопкинс бошқармоқда. Иккинчи ўриндан қозоғистонлик Геннадий Головкин жой олган бўлса, кучли учликни аргентиналик Серхио Мартинес якунлаб берди.

Мана, нашр GGG ҳақида нима деб ёзди:

"2. Геннадий Головкин. Ўрта вазн тоифасидаги титул жанглардаги кўрсаткич: 22-1-1 (20 КО). Бу йилги Шон-шуҳрат зали бош қаҳрамони, агар у қуруқ рақамларга асосланган бўлса, бу рўйхатда биринчи ўринни эгаллаган бўларди.

GGG`нинг биринчи чемпионлик даври 2010 йилда бошланган ва охиргиси 2022 йилда якунланган. Бу вақт ичида Геннадий ўзининг биринчи чемпионлик жангларидаги 17 рақибини нокаутга учратди.

Медалнинг иккинчи, таъбир жоиз бўлса салбий томони шундаки, Головкин ўзининг қўрқинчли кучини қисман йўқотмагунча, рингда ҳақиқий номдор рақибни қўлга кирита олмади. Мэттью Маклин, Деэниэл Гил, Мартин Мюррей, габаритлари бўйича Келл Брукдан ортда қолаётган Дэвид Лемье каби кўплаб рақиблари бор эди. Дэниэл Жейкобс унинг даражасида кўтарилиш эди ва тўққиз йил ичида Геннадийга қарши барча 12 раундни тўлиқ ўтказишга муваффақ бўлган биринчи боксчига айланди. Кейин Головкин ниҳоят Сауль Альварес сиймосидаги "сариқ кит"ни қўлга киритди. Аммо ҳар икки жангда ҳам мағлубиятга учради. 

Рақамлар истисно. Аммо муҳим ғалабанинг йўқлиги Головкинга бу рўйхатда биринчи ўринни эгаллаш имконини бермади", - дея қайд этади мақола муаллифи Эрик Раскин.

Boxingscene.com талқини бўйича Топ-10:

1. Бернард Хопкинс (АҚШ)

2. Геннадий Головкин (Қозоғистон)

3. Серхио Мартинес (Аргентина)

4. Сауль "Канело" Альварес (Мексика)

5. Келли Павлик (АҚШ)

6. Жермейн Тейлор (АҚШ)

7. Дэниэл Жейкобс (АҚШ)

8. Артур Абрахам (Германия)

9. Мигель Котто (Пуэрто-Рико)

10. Феликс Штурм (Германия).