Грознийда катта проф бокс оқшоми ўтказилди, унда 6 боксчимиз ҳам рингга кўтарилди (Барча натижалар)

"СОЮЗ" промоутерлик компанияси томонидан ташкил этилган оқшомнинг асосий жанги ярим оғир вазн тоифасида WBA International камари учун бўлиб ўтди. Унда икки россиялик боксчи – чемпионлик камари учун собиқ даъвогар Умар Саламов ҳамда Юрий Кашинский рингда ўзаро тўқнаш келди. Жангнинг иккинчи раундида Саламов рақибини техник нокаутга учратиб, WBA International камарини қўлга киритди. 

Грознийдаги проф бокс оқшомида 6 нафар чарм қўлқоп устамиз – Асадбек Турсунов, Асадбек Ҳусанбоев, Мирзоҳиджон Абдуллаев, Мадияр Сайдраҳимов, Музаффар Расулов ва Абдумуталлиб Хабибуллаев рейтинг жангларини ўтказишди. Ҳамюртларимизнинг бари россиялик боксчиларга қарши рингга кўтарилишди.

Афсуски, ҳеч бир боксчимизга бу турнирда ғалаба қозониш насиб қилмади. Оғир вазн тоифасида кечган Мирзоҳиджон Абдуллаев ва Мансур Шукулов ҳамда Мадияр Сайдраҳимов ва Сайхан Бакаев ўртасидаги жангларда ҳакамлар дуранг натижани қайд этишди. Қолган боксчиларимиз россиялик рақиларига имкониятни бой бериб қўйишди.

Прелим кард жанглари натижалари

Рамзан Элмурзаев (Россия) – Асадбек Турсунов (Ўзбекистон) – Элмурзаев очколар ҳисобига кўра ғалаба қозонди

Усман Магамадов (Россия) – Ильяс Наибханов (Россия) – Магамадов очколар ҳисобига кўра ғалаба қозонди

Никита Воронов (Россия) – Ислам Казявин (Қозоғистон) – Воронов техник нокаут эвазига ғалаба қозонди

Адам Алвиев (Россия) – Асадбек Ҳусанбоев (Ўзбекистон) – Алвиев очколар ҳисобига кўра ғалаба қозонди

Юрий Осипов (Россия) – Эрнат Меирхан (Қозоғистон) – Осипов техник нокаут билан ютди

Сайд-Хамзат Насуханов (Россия) – Виталий Деревягин (Россия) – Насуханов очколар ҳисобига кўра ғалаба қозонди

Мансур Шукулов (Россия) – Мирзоҳиджон Абдуллаев (Ўзбекистон) – дуранг қайд этилди

Зелимхан Исраимов (Россия) – Владимир Жигайлов (Россия) – Исраимов техник нокаут эвазига зафар қучди 

Ибрагим Адалаев (Россия) – Вараздат Черников (Россия) – Адалаев техник нокаут эвазига ғалаба қозонди

Сайхан Бакаев (Россия) – Мадияр Сайдраҳимов (Ўзбекистон) – дуранг қайд этилди

Тархан Идигов (Россия) – Артём Пугач (Россия) – Идигов очколар ҳисобига кўра ғалаба қозонди

Андеркард жанглари натижалари

Ризван Элиханов (Россия) – Музаффар Расулов (Ўзбекистон) – Элиханов техник нокаут эвазига ғалаба қозонди

Апти Давтаев (Россия) – Сервер Эмурлаев (Россия) – Давтаев рақибини техник нокаутга учратди

Мехди Абдурашедов (Россия) – Абдумуталлиб Ҳабибуллаев (Ўзбекистон) – Абдурашедов очколар ҳисобига кўра ғалаба қозонди

Бешто Шавлаев (Россия) – Махмадражаб Шарипов (Тожикистон) – Шавлаев техник нокаут ҳисобига ютди

Асосий кард жанглари натижалари

Идрис Адалаев (Россия) – Адейеми Адеканла (Нигерия) – Адалаев техник нокаут эвазига ғалаба қозонди

Артём Сусленков (Россия) – Агрон Смакичи (Хорватия) – Сусленков техник нокаут эвазига ғалаба қозонди

Умар Саламов (Россия) – Юрий Кашинский (Россия) – Саламов иккинчи раундда рақибини техник нокаутга учратди