Гулистон шаҳрида спортчи ва ёшлар билан учрашув ташкил этилди

Тадбир Сирдарё вилояти Жисмоний тарбия ва спорт бошқармаси ҳамда Ёшлар иттифоқи Сирдарё вилояти Кенгаши билан ҳамкорликда ташкил этилди.

Тадбир давомида Гулистон вилояти Жисмоний тарбия ва спорт бошқармаси бошлиғи И.Ўроқов сўзга чиқиб, юртимизда спортга бераётган эътибор, чекка ҳудудларда жаҳон андозаларига тўлиқ жавоб бера оладиган шароитларга эга спорт иншоотларининг бунёд этилаётганини таъкидлаб ўтди.

Учрашувда Ўзбекистон Республикаси Жисмоний тарбия ва спорт вазирлиги томонидан 2019 йил давомида Ховос, Боёвут , Сардоба туманларида янги спорт иншоотлари ҳамда Гулистон шаҳрида гимнастика спорт турларига ихтисослаштирилган болалар-ўсмирлар спорт мактаби қуриб фойдаланишга топширилгани тўғрисида маълумот берилди. Вилоятдаги туман ва шаҳарларда мавжуд бўлган 11 та болалар-ўсмирлар спорт мактабларига турли хилдаги 100 га яқин, жами 1,5 миллярд сўмдан ортиқ спорт жиҳозлари етказиб берилган.

Шунингдек, тадбирда ушбу имкониятлардан ёшларимиз самарали фойдаланиб жаҳон ареналарида Ватанимиз шарафини муносиб ҳимоя қилишлари лозим эканлиги таъкидлаб ўтилди. Очиқ мулоқот тарзида ўтган давра суҳбати давомида спортчи-ўқувчилар ўзларини қизиқтирган саволарига тўлиқ ва атрофлича маълумот олишди.