16 июн 10:58
Янгиликлар

Теннис

Гуркач Галледа амалдаги чемпионни мағлуб этди

Германиянинг Галле шаҳрида ўтказилаётган ATP турнирида 1/4 финал иштирокчилари маълум бўлди.

Дунёнинг 12-ракеткаси, польшалик Хуберт Гуркач иккинчи даврада Галле турнирининг амалдаги чемпиони франциялик Уго Умберни 7/6(5), 6/3 ҳисобида мағлубиятга учратди.

Бир соату 45 дақиқа давом этган баҳсда Гуркач 10, ATP рейтингида роппа-роса 50-поғонадан жой олган Уго эса 5 та эйс зарбани амалга оширган. Бу теннисчиларнинг ўзаро ўтказган илк учрашуви эди.

Чемпионлик унвонини ҳимоя қила олмаган Умбер 458 очко йўқотади. Бунинг натижасида у рейтингнинг Топ-100`талигидан чиқиб кетиб, камида 102-поғонага тушиб кетади.