Женева (ATP). Новак Жокович фаолиятидаги 100-совринини қўлга киритди

Сербиялик теннис афсонаси Швейцариянинг Женева шаҳрида якунига етган ATP 250 турнирида чемпион бўлди. У қийин кечган ҳал қилувчи финал учрашувида Польша вакили, ATP рейтингида 31-ўринни эгаллаб турган Хуберт Гуркачни тай-брекларда мағлуб этишни уддалади - 5/7, 7/6(2), 7/6(2).

Теннисчиларнинг ўзаро саккизта учрашувининг барида Новакнинг қўли баланд келган. Уч соату 8 дақиқа давом этган баҳсда Жокович 6, Гуркач 19 та эйс зарбасини амалга оширган. Бу Жоковичнинг фаолиятида қўлга киритган юбилей 100-титули бўлди. 

Сербиялик теннисчи бир ҳафталик меҳнатидан 250 очко ва 90,675 евро мукофот пули ишлаб олди. Гуркач эса 52 890 евро ҳамда 165 очкога эга бўлди.