10 май 13:13
Янгиликлар

Футбол

Гвардиола кечаги учрашувдан сўнг нималар деди?

"Манчестер Сити" бош мураббийи Хосеп Гвардиола Англия Премьер-лигаси 36-турида "Брентфорд" устидан қозонилган 3:0 ҳисобидаги ғалаба ҳақида гапирди.

"Жуда кучли рақиб. Жорий мавсумда "Брентфорд" қаерда ўйнамасин ўзини бир неча марта кўрсатди. Ўйин фазалари ўртасидаги ўтишлар, стандарт вазиятлар, аутлар… Ўйиннинг дастлабки дақиқаларида бизга қийин бўлди, лекин кейин жуда яхши ўйин ўтказдик, айниқса биринчи таймда чап қанотда. Иккинчи таймда эса икки қанотда ҳам яхши ўйнадик.

Жереми Доку кўп жиҳатдан ажойиб ўйинчи. Иккинчи таймда биз жарима майдонига кўпроқ ўйинчи юбордик. Шунинг учун биринчи таймда гол уриш қийин бўлди. Охирида биз ажойиб натижага эришдик ва ўз йўлимизни давом эттирдик", — деди Гвардиола Sky Sports нашрига.