01 авг 16:56
Янгиликлар

Бокс/ММА

Гвоздик - Бетербиев: Арум жангнинг қачон ўтказилишини айтди

Профессионал бокснинг ярим оғир вазн тоифасида WBC йўналиши чемпиони Александр Гвоздик ҳамда IBF чемпиони Артур Бетербиев ўртасидаги жанг санаси маълум қилинди.

Бирлаштирувчи чемпионлик жанги 18 октябрь куни АҚШнинг Филадельфия шаҳрида бўлиб ўтади. Бу маълумотни машҳур промоутер Боб Арум ҳам тасдиқлади.

Таъкидлаш жоиз, бу манзил Гвоздик учун бегона эмас. Украиналик жаҳон чемпиони бу аудитория қаршисида Дуду Нгумбуга қарши рингга кўтарилган. Ҳозирданоқ Россия ва Украина боксчилари ўртасидаги чемпионлик жангига қизиқиш юқори бўлмоқда.

Маълумот учун, Гвоздик профессионал боксдаги натижаси 17-0, Бетербиевники эса 14-0 ни ташкил этади.