Ҳафтанинг энг муҳим спорт мусобақаси якунланди

Нуфузли мусобақада ўттиздан зиёд давлатдан олти юздан ортиқ кучли таэквондо усталари совринли ўринлар билан бирга 2020 йили Япониянинг Токио шаҳри мезбонлик қиладиган XXXII ёзги Олимпия ўйинларига йўлланма берувчи рейтинг очколари учун баҳслашди. Вакилларимиз жамоа ҳисобида ғолиблик шоҳсупасининг энг юқори поғонасидан жой олди. Илк бор ташкил этилган Бутунжаҳон таэквондо федерацияси президенти кубоги учун Осиё минтақаси баҳсларининг учинчи кунида катталар даянга чиқишди.

Нанкинда ўтган ўсмирлар олимпиадаси ва "Ислом бирдамлик ўйинлари"нинг кумуш медали соҳиби Умида Абдуллаева (-62 кг) бронза медалини қўлга киритди. -54 кг да терма жамоамиз шарафини ҳимоя қилган, ярим финалда Баҳром Абдуллаевни мағлуб этиб (у бронза медали соҳиби бўлган), финалга йўл олган Валентин Хегай ҳал қилувчи учрашувда эронлик рақиби Иброҳим Сафарига имкониятни бой бериб, кумуш билан чегараланди. -58 кг даянга чиққан Ниёз Пўлатов ярим финалда Таэ-Хун Ким (Жанубий Корея)га қарши баҳсда мағлубиятга учради – 3-ўрин. -63 кг вазнли Камронбек Яхшибоев ҳам олтин учун курашда эронлик рақиби Соруш Аҳмади олдида ожиз қолди.

Қуйида натижалар билан танишинг:

Аёллар

-62 кг

1-ўрин  Со-Хе Ким (Жанубий Корея)

2-ўрин  Заҳро Шожаи Рад (Эрон)

3-ўрин  Умида Абдуллаева (Ўзбекистон)

3-ўрин  Гулим Бибалаева (Қозоғистон)

Эркаклар

-54 кг

1-ўрин  Иброҳим Сафари (Эрон)

2-ўрин  Валентин Хегай (Ўзбекистон)

3-ўрин  Баҳром Абдуллаев (Ўзбекистон)

3-ўрин  Маҳди Эшаги (Эрон)

-58 кг

1-ўрин  Таэ-Хун Ким (Жанубий Корея)

2-ўрин  Станислав Денисов (Россия)

3-ўрин  Ниёз Пўлатов (Ўзбекистон)

3-ўрин  Ҳамидризо Ҳадян (Эрон)

-63 кг

1-ўрин  Соруш Аҳмади (Эрон)

2-ўрин  Камронбек Яхшибоев (Ўзбекистон)

3-ўрин  Болат Изутдинов (Россия)

3-ўрин  Хинхин Хонг (Хитой)

-68 кг

1-ўрин  Сеок-Баэ Ким (Жанубий Корея)

2-ўрин  Муҳаммад Воҳиди (Эрон)

3-ўрин  Алексей Денисенко (Россия)

3-ўрин  Алиризо Алиёри (Эрон)

-74 кг

1-ўрин  Маҳди Жалолий (Эрон)

2-ўрин  Ченг-Хао Чанг (Хитой Тайпейи)

3-ўрин  Ашраф Маҳбуби (Марокаш)

3-ўрин  Нурқанот Хожаахмет (Қозоғистон)

Умумжамоа ҳисобида Ўзбекистон терма жамоаси аъзолари 26та олтин, 22та кумуш ва 48та бронза медалини қўлга киритиб, 1-ўринни эгаллаган бўлса, қозоғистонлик спортчилар 5та олтин, 17 та кумуш ва 29 та бронза билан иккинчи, жанубий кореялик таэквондо усталари 10та олтин, 1та кумуш ва 3та бронза медали жамғариб, учинчи ўрин соҳиби бўлдилар.