06 фев 11:01
Янгиликлар

Бокс/ММА

Ҳамюртимиз GFC Лигасида чемпионлик камари учун жанг қилади (ПОСТЕР)

14 февраль куни Грузиянинг Батуми шаҳрида ММА бўйича GFC 36 турнири ўтказилади.

Аҳамиятлиси, ушбу оқшомнинг марказий баҳси ўзбекистонлик аралаш яккакураш устаси Муҳаммадумар Абдураҳмонов иштирокида кечади. Унга ўша куни мезбон юрт вакили Бека Тамлиани рақиб бўлади. Жанг ярим ўрта вазн тоифасида GFC чемпионлик камари учун ўтказилади.

Маълумот учун, Муҳаммадумар Абдураҳмонов фаолияти давомида ҳозиргача 8 та жанг ўтказиб, 6 ғалаба, 1 та мағлубият ва 1 та дуранг қайд этган. Тамлиани ҳисобида эса 10 та ғалаба ва 2 та мағлубият бор.