Ҳамюртимиз Тамила Сариханова ўзбек боксида техник делегат сифатида ишлайдиган биринчи аёлга айланди

Ўзбек бокси жаҳон миқёсида етакчилардан бири бўлишига қарамай, ушбу спорт турида Ўзбекистондан бўлган расмий шахслар рўйхати у қадар катта эмас. 

Лекин, шуни мамнуният билан эълон қиламизки, ҳамюртимиз Тамила Сариханова ўзбек бокси тарихида илк бор супервайзер унвонига эга бўлди. 

Маълумот учун, бокс оламида супервайзер - расмий равишда техник делегат, ҳар қандай даражадаги бокс мусобақаларини ўтказиш учун асосий ва масъул шахс ҳисобланади, спорт тадбирининг муҳим ва умуман барча масалаларда муҳим инсон ҳисобланади. 

Боксда уч тоифадаги расмий шахслар бор: RJ - ҳакамлар ва реферилар, ITO - халқаро техник расмийлар ва энг юқори унвон - TD - техник делегат. 

Тамила Сариханова Олимпия боксидаги фаолиятини бошлаганига кўп вақт бўлмаганига қарамай, ушбу спорт тури мутахассислари ичида ҳурмат ва обрў-эътиборга эга бўлиб улгурди. У IBAнинг навбатдаги конгрессида миллий федерациялар билан ишлаш бўйича қўмита раисининг ўринбосари лавозомига, Осиё бокс конфедерациясида эса аёллар комиссияси аъзоси этиб сайланди.

Шу тариқа, Тамила Сариханова бугунги кунда халқаро аренада Ўзбекистон номидан фаолият олиб борувчи энг юқори лавозимли расмий шахс ва мамлакатимиз номидан фаолият олиб борувчи ягона аёл мутахассис сифатида ишлайдиган бўлди.